Pastor ah glad Lawd ah go give de church money
Well hear de situation
It have this man right tryin hard to get with me swaering up and down that he doh have no girl on this campus. But because he doh see mey in every party and all over de place he figure that ah doh know nothin. So he coming wid he sad story tryin hard to get wid me but he have ah girl pregnant and cuttin she tail all ova de place. Now yuh think ah should put him on blast and let him know he is ah lying sack ah *ahem*
Sin #1
Friday is mey birthday mey frens having ah party for mey in de ppl college dorm hall. If ah charge ah wrong. and do I have to give money for de alcohol.
Sin #2
It have ah man that ah know comin to de party but he have ah sort of girl fren, if ah kiss him up and claim ah was drunk ah wrong.
Sin #3
Is mey fren bday on Sunday is it selfish of me to not want to share my bday party with her
Lawd yuh see ah not to sure bout that paying for de alcohol thing and in concern with that fool ah bout to put that lying dog on blast and go lay it on de *ahem* thick.
Pastor thanks for de advice. We go bounce up in de booth next week Friday cause afta this party yuh go have mey sayin hail mary from now till ah dead.
Yuh sure to see my in church and this time ah go make sure de shirt not tight like de last time. Ah sorry for tantalizing yuh in de church.
Don’t worry my child … keep you faith in the lord and he will guide you in the right direction … when you go back to the dorm. Take ah good look in the mirror. The person you see is the love of your life. Never put some man needs before your own. He should give you the option to continue seeing him or not. Not lie to you about his situation … to me he is just a coward not ah real man
Yuh see me and this pastor go do good together. Next time ah hear somebody callin yuh ah shifty, trifiling pastor ah go get on them and ah go watch to see who puttin they hand to take outde money out de collection plate. Thanks again ah takin yuh advice to heart.