IslandMix - Soca, Reggae, Zouk and Caribbean Entertainment

Who here appreiciate good old style calypso lyrics. I had the opportunity to listen to an album call Raw Kaiso recently with fellas like Brigo and Blakie doing their thing. I was in calypso bliss listening to this music on a sunday morning at a low volume sipping meh morning coffee. It was Black Prince though who really had meh going. Hear the lyrics to one of his songs.

Life as a calypsonian not eeeeeeasy
ah mean in the way you'd think it would be
is best ah did stay bachelor and carefree
ah doh know who tell meh to get marry
From de day yuh boy venture into married life
one setta pressure ah getting from meh wife
she make meh to know that she doh like calypso
and she doh see why de hell ah fighting it so
she tell meh....

well meh eh see calypso do nutn for you
and in de night ah cya get ah good nightrest to
always with a chune chune whole night and day
and when the season come eh sure to get pay
ca believe is calypso yuh love so
yuh eh see calypso eh have luv for you
and out ah de blue just so the woman explo(de)
when the nighttime come bes(t) a hugup meh calypso

Hear nah man it was pure musical bliss listening to these old bards sing. Ah coming back with the next line soon.

the song continues:


ah dunno whey it is that calypso doooo she
cya believe she born here in this country
ah doh know if is some calypsonian fool she
she really eh like calypso or me
is to know the game playing i does encounter
man cutting meh left right and in the center
but when ah turn to joan for support at home
is a fresh set ah ridicule to the bone

well meh eh see calypso do nutn for you
and in de night ah cya get ah good nightrest to
always with a chune chune on yuh guitar
and not for hell yuh cya reach de savannah
who tell yuh that yuh could sing calypso
yuh fooling yuhself in case yuh eh know
and out ah de blue she tell me this eh no sports
let calypso come and wash them jockey shorts

the last verse is ah classic:

Ah tell yuh this wife ah mine she not eeeeezy
trying she best tuh send meh crazy
forever taking meh string off meh guiiiitarrr
telling meh is i bust them and cya remember
she does wait until she see ah start composing
start throwing down wares hard hard there in the kitchen
and whey ah sitting dong...come sweeping aroung
.................................pong meh tongue

well meh eh see calypso do nutn for you
and in de night ah cya get ah good nightrest to
always with a chune chune doh make meh cuss
between you and rex west doh know who wuss
telling me yuh love calypso but yuh lie
is them women and them whey bunning yuh eye
and out ah the blue ah get the shock of meh life
yuh go use the hole in yuh guitar when yuh want wife

Vintage kaiso music that tell wonderful...funny...stories. Ah coming back later with some more.

Story telling...great delivery...clear diction....straight up trini prose.. Vintage kaiso. Check out the lyrics of this one from the Black Prince once again. sing along

http://www.ecaroh.info/rawkaiso108.mp3

Well ah find mehself tieup just recently
friending with ah gyul say she making baby
fuss time in meh life ah hear meh name call
yuh could imagine how ah walking tall
but everytime ah go by tuh check de gyal say ah visiting
ah see the neighbors and them watching and smiling
is she sister tell meh that gyul eh breathing black prince she lie
she cya make nutn not even sweet eye

is fry ball oh lardo fry ball..is fry ball
she belly does rise and fall
is fry ball oh lard is fry ball...is fry ball
that oman cya breathe at all

ah did done buyup ah whole setta pamper
and ah done contact both modda and fadda
going to church every sunday morning
cuz ah preparing for big big christening
but all this time yuh know this gyul going tuh clinic
and have meh spending ah setta money on tonic
and all these months ah waiting patiently tuh see meh son
is she sister tell me fryball doesn't born

chorus

even meh modda she start to shun me
telling meh in meh face how ah tun chupidy
boy she eh know how ah feeling happy
is meh fuss offspring nearing meh half century
and if yuh hear meh boasting about my child mother
and ah done load ah whole bedroom with liquor
is she sister tell me that gyul jennifer go blow yuh mind
that gyul belly so since in eighty nine

chorus

duck does take 3 weeks to make their young one
horse is a whole year before they put dong
twentyone days it does take for chicken
duck in a month they does give yuh duckling
something really had to be wrong with jennifer
over fourteen months and she cya deliver
ah tell meh self maybe she sister eh lie at all
all ah know ah get away from the ball

Okay boys and girls play a clip from the song and follow along with the lyrics. Beautiful man!

http://www.ecaroh.info/rawkaiso1-05.mp3

Life as a calypsonian not eeeeeeasy
ah mean in the way you'd think it would be
is best ah did stay bachelor and carefree
ah doh know who tell meh to get marry
From de day yuh boy venture into married life
one setta pressure ah getting from meh wife
she make meh to know that she doh like calypso
and she doh see why de hell ah fighting it so
she tell meh....

well meh eh see calypso do nutn for you
and in de night ah cya get ah good nightrest to
always with a chune chune whole night and day
and when the season come eh sure to get pay
ca believe is calypso yuh love so
yuh eh see calypso eh have luv for you
and out ah de blue just so the woman explo(de)
when the nighttime come bes(t) a hugup meh calypso

ah dunno whey it is that calypso doooo she
cya believe she born here in this country
ah doh know if is some calypsonian fool she
she really eh like calypso or me
is to know the game playing i does encounter
man cutting meh left right and in the center
but when ah turn to joan for support at home
is a fresh set ah ridicule to the bone

well meh eh see calypso do nutn for you
and in de night ah cya get ah good nightrest to
always with a chune chune on yuh guitar
and not for hell yuh cya reach de savannah
who tell yuh that yuh could sing calypso
yuh fooling yuhself in case yuh eh know
and out ah de blue she tell me this eh no sports
let calypso come and wash them jockey shorts

Ah tell yuh this wife ah mine she not eeeeezy
trying she best tuh send meh crazy
forever taking meh string off meh guiiiitarrr
telling meh is i bust them and cya remember
she does wait until she see ah start composing
start throwing down wares hard hard there in the kitchen
and whey ah sitting dong...come sweeping aroung
.................................pong meh tongue

well meh eh see calypso do nutn for you
and in de night ah cya get ah good nightrest to
always with a chune chune doh make meh cuss
between you and rex west doh know who wuss
telling me yuh love calypso but yuh lie
is them women and them whey bunning yuh eye
and out ah the blue ah get the shock of meh life
yuh go use the hole in yuh guitar when yuh want wife

The clever use of the words, the story, the delivery...vintage kaiso....this one is one ah meh favourites:
http://www.ecaroh.info/rawkaiso1-09.mp3

Ah see de gyul o lard meh eye ketch a chie
ah tell mehself me eh care whey getting she cost me
ah see mehself one time with ah family
ah even see she having we fuss baby
so i decide to approach the young lady
and express de feelings ah have for she
buh when ah finish talk she eh answer no or yes
ah whey she tell me nobody in here cya guess

She tell meh tuh bring ah letter from meh last oman
with she signature stating why we done
bring two passport pictear of the oman too
ah want tuh know how much children whey she have for you
if she have a phone bring the number
so that ah could confirm later
and if ah get trip up in the letter
she go still need a medical from a doctor
i never hear more
you coulda swear is a wuk ah was looking for

De oman say she eh trusting no man again
man does lie too much and have to much brain
they never ha no wife so the story go
is only when yuh foot get tie yuh does know
and she eh want tuh hear bout house car or land
whey she want is a sincere and loving man
for she eh see whey use anything would be to she
if she body infested with HIV

She tell meh tuh bring ah letterfrom meh last oman
with she signature stating why we done
bring two passport pictear for she to see
if the gyul marasme or strong and healthy
if because of me she ha pressure
state all that in the letter
and if the oman say she cya go no way
and if she say ah smart when ah get pay
well needless to say that thing yuh ha dey
right dey it go stay

well if you see the smooth goodlooking darkie
brigo is the perfect flipside tuh she
thru she ah cya sleep when de nighttime come
wondering who ah go get ah letter from
so ah decide to ask two three gyal ah was with
when dem see meh come in well them start tuh spit
tis other one tell meh check she home she go gimme it
buh when ah reach she start to bawl for rape and bandit

ah still have to get ah letter from meh last oman
with suitable information to give this next one
she doh want no type written letter she say that won't do
anyone ah yuh smart man pardna could write that for you
also get a note of approval from meh modda for she
for if thing get fatal is ma go hold she belly
she say she telling me from up front
she very dohtish and ignorant
so if the woman say ah maccosush and jealous
and very quick to lash she making she peace
in case she turn beast and i turn decease

Ah realize by then this woman rell smart
she know very well that ah cyant get that
no oman go write recommendation
to gi no next oman tuh friend with no man
is just she eh want meh is that she mean
so she rest meh dong on ah dohtish scene
but ah remember ah have a homo cousin name hue
so ah leh he write it that is oman too

ah make sure she get a letter whey she cya turn down
and ah picture of hue in he evening gown urging she to go on
saying ah kind-hearted and loving
so doh dig ah nuting
anything whey prince ask you
feel free he in
ah tell meh self when ah done rest the hurt on she
ah buying mehself a trophy
in memory of all the up and down ah do
in getting the credentials to get tru
well wha yuh tink happen
yuh know the blasted gyul is ah homo too

More masterful calypso lyrics and music. This is the black prince again and check out the way he speaks about this relationship. Sing along with the clip
http://www.ecaroh.info/rawkaiso1.06.mp3

Many years ah going steady with you
and yuh never ask for nutn is true
yuh say yuh doh really want no money from me
all whey yuh need is love and good company
but meh conscience does hurt me gyul now and then
ah never could give yuh nutn to spend
ah want tuh give yuh somthing by the small
although yuh does say that money eh all

so friday evening try and come
saturday morning not tuh come
the money that ah working for
does done by the paymaster door
so friday evening try and come
saturday morning not to come
ah doh want yuh ah feel dat yuh chupid
but de money that yuh boy wukking for eh big

ah know yuh have yuh husband and kids to care
but yuh does check meh regular through the year
but whey go happen if yuh husband get tuh know
and make up he mind that yuh go really have tuh go
whenever parents go they separate ways
children does pay in the later days
ah what yuh tuh give thought to all ah dat
so yuh wouldnt find yuhself in a snat

so friday evening try and come saturday morning...(chorus)

Up to now yuh moving jolly and kind
but ah doh know whey yuh have in yuh mind
you could be saying such pleasant tings to me
and among yuh friend and them is ah next story
cuz women so concosa towards men
ah never could tell whey ah stand with them
ah doh wah yuh tell people in de street
black prince is ah man whey more hot than sweet

so friday evening try and come ......(chorus)

More from the Black Prince - can you tell i'm a fan of this guy. Here he relates the philosophical thinking of a loose woman. Ah love the man's syntax and semantics..his prose. Here is a clip of how the song goes followed by the lyrics.
http://www.ecaroh.info/rawkaiso107.mp3


Yes it is nice to get in conversation with women
for you will hear somethings that you wouldn't hear from men
like if they was man what they woulda do
and who man they know more chupid than who
how they woulda live bachelor they whole life long
woman couldn't have them drinking and falling down
but this jammette ah bounce up in la romaine
she tune was the same, that same old refrain
but lyrics of a different reign
she say

One lifetime eh nuff
one lifetime eh nuff
ah gotta have time for husband
time for me children
time for meh sweetman
time for me
time for i to reminisce
time for me to done with this
to be alive is nice but tuff
one lifetime eh nuff

Ah veritable classic in TnT. This next one by Brigo. This one talks about what really amounts to abuse that he faced at his mother's hands when he was growing up but his protector was always his grandmother. Brigo is not the most handsome of men and the lyrics suggest that he faced hard times from his mom because of his looks. Check the lyrics:

It is really sad to tell yuh bout the childhood that brigo had
yuh go say ah mad when yuh hear bout the child days that brigo had
meh mama have five children i'm the better looking one as you all could see
she used to beat me just as if i wasn't she soon one day granny said to she

doh beat mama popo
doh beat mama popo
granny tell she ah warn yuh awready
like yuh want tuh spoil the child beauty
yuh done make de pickney
and now yuh beating it like yuh crazy
betty ah love yuh ah lot
but he is the prettiest grand popo that i got